Çfarë fshihet pas vrasjes së liderit të Hezbollahut? Trondisin zyrtarët libanezë: Kishte rënë dakord me Netanyahun për…

Zyrtarë të lartë libanezë thonë se lideri i Hezbollahut, Hassan Nasrallah, u vra pak pasi ra dakord për një armëpushim të përkohshëm me Izraelin.

Armëpushimi 21-ditor ishte propozuar nga SHBA, Franca dhe aleatë të tjerë.

“Ata na thanë se Netanyahu ra dakord për këtë dhe kështu ne gjithashtu morëm marrëveshjen e Hezbollahut për këtë, dhe ju e dini se çfarë ndodhi që atëherë,” tha për CNN ministri i Jashtëm libanez Abdallah Bou Habib.

“Hezbollahu u pajtua me këtë deklaratë të përbashkët që u lëshua duke bërë thirrje për një armëpushim, armëpushim 21-ditor dhe menjëherë pasi filloi të kërkojë një zgjidhje diplomatike në kuadrin e rezolutës së Këshillit të Sigurimit”, tha ambasadori Rami Mortada për BBC.

“Ne ishim në rrugën e duhur duke u përpjekur të diskutonim një alternativë diplomatike ndaj humnerës aktuale, por kokat e nxehta në Izrael zgjodhën një rrugë tjetër”, shtoi ai.