Tragjike në Greqi/ 25-vjeçarja bllokohet në makinerinë e xhinseve teksa punonte, humb jetën

Një 25-vjeçare ka humbur jetën tragjikisht në një aksident pune mëngjesin e sotëm në një fabrikë xhinsesh, pranë fshatit Glavki Larisa, mes Larisës dhe Volos.

Sipas medieve greke, e reja dyshohet se ka mbetur e bllokuar në një makineri pak para orës 4:00 të mëngjesit, ndërsa për ta nxjerrë janë dashur 12 punonjës të zjarrfikëses.

Në vendngjarje ka shkuar ambulanca dhe ka bërë transportimin e saj në spital, por fatkeqësisht ajo nuk ka mundur të mbijetojë.