Medvedev paralajmëron SHBA-në: Shmangni Luftën e Tretë Botërore!

Dimitry Medvedev, një zyrtar i lartë rus që shërbeu si president i Rusisë nga viti 2008 deri në vitin 2012, paralajmëroi sot SHBA- në që të marrë seriozisht paralajmërimet e Rusisë për përdorimin e armëve bërthamore për të shmangur Luftën e Tretë Botërore.

Medvedev, i cili është nënkryetar i Këshillit të Sigurimit të Rusisë, i tha rrjetit televiziv RT se zyrtarët e lartë amerikanë nuk e duan Luftën e Tretë Botërore, por për disa arsye besojnë se rusët nuk do të kalojnë kurrë vijën e kuqe.

“Ata e kanë gabim,” i tha Medvedev RT, duke shtuar se Moska beson se lidershipit aktual politik në SHBA dhe Evropë i mungon largpamësia dhe mendja e aftë e Henri Kisingerit.

Lufta dyvjeçare e gjysmë e Ukrainës po hyn në fazën e saj më të rrezikshme, sipas zyrtarëve rusë, pasi forcat ushtarake të Moskës përparojnë në Ukrainën lindore, ndërsa Perëndimi mendon se si ta mbështesë Ukrainën. Rusia i ka lënë të kuptohet prej javësh Perëndimit se do të reagojë./vizionplus.tv