“Një nga ndeshjet më të mira”, Gjimshiti vlerësohet maksimalisht pas ndeshjes me Napolin

Berat Gjimshiti është vlerësuar si një nga më të mirët në fushë për Atalantën ditën e djeshme në fitoren e thellë 3-0 në transfertë përballë kryesuesve të Napolit.

Gjimshiti është vlerësuar me notën 7-të nga mediat italiane, ndërsa nuk kanë munguar vlerësimet për të.

“Bëri një ndërhyrje në limitet, në zonën e rreptësisë ndaj Politano-s, por kjo tregoi vetëbesimin e tij. Ngriti murin duke mos lejuar praktikisht askënd të kalojë. Mbase luajti një nga ndeshjet e tij më të mira që kur u transferua në Bergamo”, shkruan TuttomercatoWeb.