Biden uron Trump për fitoren dhe e fton në Shtëpinë e Bardhë! Përgëzon Harris për fushatën

Presidenti Joe Biden foli sot me Presidentin e zgjedhur Donald Trump për ta uruar atë për fitoren dhe e ftoi atë në Shtëpinë e Bardhë, sipas një zyrtari të Shtëpisë së Bardhë.

Presidenti po planifikon gjithashtu të flasë para kombit të enjten, tha zyrtari.

“Presidenti Biden shprehu angazhimin e tij për të siguruar një situatë të qetë dhe theksoi rëndësinë e punës për të bashkuar vendin,” tha zyrtari.

“Ai ftoi gjithashtu Presidentin e zgjedhur Trump që të takohej me të në Shtëpinë e Bardhë. Stafi do të koordinojë një datë specifike në të ardhmen e afërt.”

Biden foli gjithashtu me nënpresidenten Kamala Harris dhe “përgëzoi Zëvendës Presidentin për fushatën e saj historike”, tha zyrtari.

/a.r