Si do ta ndalë Trump Luftën në Ukrainë? Meksi: Është më e thjeshtë nga ç’mendohet

Një nga premtimet më të mëdha të Donald Trump gjatë fushatës në SHBA ishte se nëse do të zgjidhej President do t’i jepte fund luftës në Ukrinë.

Po tani që fitoi si do ta përfundojë luftën? Kjo ishte një nga pyetjete e bëra nga moderatorja Pranvera Borakaj në Quo Vadis në Vizion Plus këtë të enjte.

Sa i përket kësaj pyetje avokati Redon Meksi tha se për Trump është shumë e thjeshtë, pasi ai mendon si biznesmen dhe jo si politikan.

Sipas tij Trump e ka të qartë se po t’i heqë paratë Ukrainës mbaron lufta.

“Po të shohësh si ka vepruar kur ishte President, ka vepruar si biznesmen. Ju thotë uluni në tavolinë firmosni. Në fund fare thotë unë po investoj te ty, nëse nuk më bindesh unë t’i tërheq paratë. Nuk është si politikat e tjerë. Unë jam pala më e fortë, unë vendos. Dhe me Ukrainën shumë e thjeshtë zgjidhja, hiqi paratë mbaron lufta”, tha Meksi. /Vizionplus.tv/