AAK heq dorë nga votëbesimi për Kurtin, Ramush Haradinaj ndryshon strategji
Qeveria Kurti, dialogu me Serbinë, zgjedhjet e parakohshme në veri përmes peticionit për shkarkimin e kryetarëve por edhe kritika për presidenten e Kosovës dhe gjuhën e përdorur ndaj saj së fundmi. Me këto çështje në kalendarin e saj politik, Aleanca për Ardhmërinë e Kosovës, i rikthehet këtë shtator, jetës parlamentare. Ndoshta me një kauzë të […]
Qeveria Kurti, dialogu me Serbinë, zgjedhjet e parakohshme në veri përmes peticionit për shkarkimin e kryetarëve por edhe kritika për presidenten e Kosovës dhe gjuhën e përdorur ndaj saj së fundmi. Me këto çështje në kalendarin e saj politik, Aleanca për Ardhmërinë e Kosovës, i rikthehet këtë shtator, jetës parlamentare.
Ndoshta me një kauzë të lënë përgjysmë rrugës, ajo e mocionit të mosbesimit ndaj qeverisë Kurti, kjo sepse sipas Shefit të grupit të AAK, Besnik Tahiri, dy partitë e tjera në opozitë, PDK dhe LDK, nuk janë të interesuara ta firmosin. “PDK e LDK s’janë të interesuara për t’i dhënë nënshkrimet…”, tha ai.
Aleanca për Ardhmërinë e Kosovës nuk mbështet as mënyrën që ka zgjedhur qeveria, për mbajtjen e zgjedhjeve të reja në 4 komunat veriore, përmes peticionit për shkarkimin e kryetarëve, për shkak të problematikave që në të ardhmen, mund të rëndojnë mbi Kosovën./f.s
What's Your Reaction?
