Aksident në Kosovë, një i vdekur dhe katër të lënduar

KOSOVË- Një aksident ka ndodhur në orët e para të mëngjesit të kësaj të shtune në Kosovë. Mediat vendase raportojnë se një persona ka humbur jetën dhe katër të tjerë janë lënduar si pasojë e aksidentit në rrugën Prishtinë-Ferizaj.

Zëdhënësja e Policisë për Rajonin e Prishtinës, Florie Ahmeti është shprehur se në aksident kanë qenë të përfshira tri automjete, një veturë e parkuar dhe dy të tjera që kanë qenë në lëvizje. Autoritetet kanë nisur hetimet për zbardhjen dhe dokumentimin e plotë të ngjarjes./abcnews.al