BE kushtëzon anëtarësimin e Serbisë: Nuk ka përparim pa u normalizuar raportet me Kosovën
Në një intervistë për Radio Evropa e Lire zëdhënësi i BE-së Peter Stano ka deklaruar se Serbia duhet të normalizojë raportet me Kosovën,
![BE kushtëzon anëtarësimin e Serbisë: Nuk ka përparim pa u normalizuar raportet me Kosovën](https://www.vizionplus.tv/wp-content/uploads/2024/04/Screenshot_18-16.png)
![Peter Stano](https://www.vizionplus.tv/wp-content/uploads/2024/04/Screenshot_18-16-627x400.png)
Në një intervistë për Radio Evropa e Lire zëdhënësi i BE-së Peter Stano ka deklaruar se Serbia duhet të normalizojë raportet me Kosovën, pasi në të kundërt nuk do të anëtarësohet në BE.
“Marrëveshja e Ohrit aktualisht e bën këtë shumë të qartë. Nëse nuk ka progres në normalizim, nuk do të ketë progres në negociatat e anëtarësimit”, tha Stano.
Sipas Bashkimit Europian lobimi i Beogradit kundër anëtarësimit të Prishtinës në organizatat ndërkombëtarë përbën shkelje të marrëveshjeve.
“Marrëveshja për rrugën drejt normalizimit është e vlefshme dhe plotësisht detyruese për të dyja, Kosovën dhe Serbinë. Kjo përfshinë edhe nenin 4. Lobimi i Serbisë kundër Kosovës është shkelje e qartë e kësaj marrëveshje”, u shpreh ai.
Këto mesazhe zëdhënësi i unionit Stano i bëri pas intervistës së ambasadorit të SHBA-ve në Serbi Christopher Hill, i cili u shpreh se njohja formale e Kosovës nuk do të jetë kusht për anëtarësimin e Serbisë në bllok. /vizionplus.tv
What's Your Reaction?
![like](https://www.albanianlive.com/assets/img/reactions/like.png)
![dislike](https://www.albanianlive.com/assets/img/reactions/dislike.png)
![love](https://www.albanianlive.com/assets/img/reactions/love.png)
![funny](https://www.albanianlive.com/assets/img/reactions/funny.png)
![angry](https://www.albanianlive.com/assets/img/reactions/angry.png)
![sad](https://www.albanianlive.com/assets/img/reactions/sad.png)
![wow](https://www.albanianlive.com/assets/img/reactions/wow.png)