Benjamin Netanjahu nën presion, ekstremi i djathtë kërcënon me rrëzimin e qeverisë nëse pranohet plani i Biden

Dy ministra izraelitë të ekstremit të djathtë kanë kërcënuar se do të largohen dhe do të rrëzojnë koalicionin qeverisës nëse kryeministri Benjamin Netanyahu bie dakord me propozimin e armëpushimit në Gaza të prezantuar nga presidenti amerikan Joe Biden .

Dy ministrat ai i financave dhe i Sigurisë Kombëtare deklaruan se ishin kundër arritjes së një marrëveshjeje përpara se grupi militant Hamasi të shkatërrohej.

Por nga ana tjeter lideri i opozitës Yair Lapid është zotuar të mbështesë qeverinë nëse Netanyahu i jep driten jeshile planit.
Propozimi i presidentit amerikan Joe Biden do të niste me një armëpushim gjashtë-javor, në të cilin Forcat e Mbrojtjes të Izraelit do të tërhiqeshin nga zonat e populluara të Gazës.

Ndërkaq marrëveshja përfundimisht do të çonte në lirimin e të gjithë pengjeve, një ndërprerje të përhershme të armiqësive si dhe një plan të madh rindërtimi për Gazën.

Sakaq vetem një ditë pas propozimit te presidentit te SHBA-ve, kryeministri izraelit Benjamin Netanjahu ka thene se nuk do te kete nje armepushim te perhershem ne rripin e Gazes pa u shkaterruar kapacitetet ushtarake te Hamasit./vizionplus.tv/