Bie skela e pallatit në ndërtim, lëndohen babë e bijë në Tiranë

Një skelë në një pallat në ndërtim në zonën e ish-parkut të autobusëve ka rënë duke plagosur dy kalimtar.

Të lënduar kanë mbetur babë e bijë të cilët janë dërguar në spital për të marrë ndihmën mjekësore.

“Më datë 22.01.2024, rreth orës 10:10, në bulevardin “Gjergj Fishta”, janë rrëzuar skelat e nje pallati në ndërtim e sipër, dhe si pasojë janë dëmtuar 2 shtetas (kalimtarë) H. L., rreth 70 vjeç, dhe I. Sh., rreth 45 vjeçe.

Dy të dëmtuarit ndodhen në spital, në kujdesin e mjekëve.

Në ambientet e Policisë janë shoqëruar inxhinieri i pallatit, shtetasi K. S., dhe punëtorët N. S., dhe A. P., për veprime të mëtejshme procedurale”, njofton policia. /vizionplus.tv