Daçiç nuk “dorëzon” Radoiçiçin: Proceset gjyqësore do të zhvillohen në Serbi

Beogradi zyrtar nuk e dorëzon ish nën-kryetarin e Listës Serbe, Millan Radoiçiç, i cili ka deklaruar përgjegjësinë personale për sulmet e 24 shtatorit në veri të Kosovës, ku mbeti i vrarë rreshteri Afrim Bunjaku.

Ministri serb i Punëve të Jashtme, Ivica Daçiç, ka deklaruar se ekstradimi në Kosovë i Radoiçiç, është i pamundur dhe se të gjitha proceset gjyqësore do të zhvillohen para gjykatave vendase.

Organizata ndërkombëtare e policisë, Interpol, pak ditë më parë ka lëshuar një urdhër për arrestimin e Radoiçiç, për shkak të sulmit të armatosur në Banjskë, ku mbetën të vrarë edhe tre sulmues serbë.

Kosova akuzoi Serbinë se qëndron pas sulmit, gjë që Beogradi zyrtar e mohon./vizionplus.tv/