Darkuan dhe ikën pa paguar nga restoranti në Berat, mediat italiane: Me “bum”-in e turistëve, në Shqipëri paskan shkuar edhe disa dinakë

Lajmi se disa turistë italianë ishin larguar pa paguar nga një restorant në Berat bëri bujë në mediat shqiptare, ndërsa sot është pasqyruar edhe në mediat në Itali.

Gazetat italiane shkruajnë se bumi i turistëve italianë në Shqipëri, mesa duket ka sjellë edhe ata njerëz që kanë “zakone të këqija”.

Ky është rasti i një grupi turistësh italianë që pasi darkuan në restorant “Guva” në Berat u larguan pa paguar një faturë prej 80 eurosh.

Pronari i restorantit tha se ishte hera e parë që ndodhte, duke shtuar se çmimet e tij janë normale dhe se katër italianët kishin komplimentuar edhe ushqimin”./m.j