Detaji që zbuloi kamera/ Aksidenti me eskortën e gjyqtares Irena Gjoka, AMP mbyll hetimet

Nga këqyrja e kamerave të sigurisë mbi aksidentin e të premtes rezulton se vetëm një kamera ka qenë funksionale. Një hetim urgjent i AMP mbi lidhjet dhe personalitetin e policit shkaktar të aksidentit ka dalë konkluzione, bënë me dije burime të Anila Hoxhës.

I ripyetur polici Ardjan Disha ka thënë se nuk kishte dijeni se çfarë shërbimi kryente mjeti i Gardës së Republikës dhe nuk kishte asnjë njohje me drejtuesin e mjetit të Gardës së Republikës.

Ndërkohë vijohet më tej “Sqarojmë se kamerat në zonën e Unazës së Re ku mund të kenë kaluar mjetet, nuk ishin funksionale.”

Ndërkohë verifikime po kryhen ndaj policisë rrugore të Tiranës mbasi fillimisht e kanë raportuar që në mjetin që po eskportonte familjen nën mbrojtje të gjyqtares Irena Gjoka deklaruan se në makinë nuk kishte anëtarë të familjes së saj.

Në fakt dy orë më pas nga kjo tentativë për ta fshehur aksidentin automobilistik, rezultoi se në makinën që po eksportonte Garda gjendej djali i gjyqtares i cili është dërguar për të marrë ndihmën e parë në një spital privat në Tiranë./ TCH