Dhunoi nënën 83-vjeçare dhe bashkëshorten, arrestohet autori në Gjirokastër

Një 63-vjeçar është vënë në pranga, pasi dhunoi nënën dhe bashkëshorten e tij. Ngjarja e rëndë është regjistruar në Mashkullorë, Gjirokastër. E ëma e moshuar, 83-vjeçare dhe bashkëshortja e tij, adresuan dhunën e ushtruar në komisariat.

Pas verifikimeve të bëra, policia vuri në pranga 63-vjeçarin. Ai kishte dhunuar e më pas kërcënuar se do të nxirrte nga banesa nënën dhe bashkëshorten.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.