Dje u vodh nga hajdutët, Beci njofton zëvendësimin e transformatorit elektrik në ujësjellësin e Bërdicës në Shkodër

Kryebashkiaku i Shkodrës Benet Beci ka njoftuar se transformatori elektrik në ujësjellësin e Bërdicës është zëvendësuar pasi u vodh diten e djeshme (24 mars 2024) nga persona ende të pa identifikuar.

Përmes një postimi në rrjetin social “Facebook”, Beci kërkon të zbardhjen sa më parë të ngjarjes  nga organet kompetente dhe vënien e autorëve para drejtësisë.

“Brenda 24 orësh, është bërë e mundur zëvendësimi i transformatorit dhe vënia në punë e stacionit të Ujësjellësit në Bërdicë. Dua të përgëzoj punonjësit dhe Drejtorin e Ujësjellës Kanalizime Qarku Shkodër për gatishmërinë e treguar dhe punën që kanë bërë gjatë orëve të fundit për rikthimin e furnizimit me ujë të 4 mijë banorëve të zonës së Nën Shkodrës. Mirëpresim që organet kompetente të zbardhin sa më parë ngjarjen dhe vënien e autorëve para drejtësisë”,- shkruan Beci.

Brenda tre viteve të fundit ky transformator elektrik në stacionin e ujësjellësit të Bërdicës është vjedhur tri herë./m.j