Durrës/ Në 24 orët e ardhëshme do të ndalohet parkimi i mjeteve në rrugën “Taulantia”

Policia e Durrësit ka dalë me një njoftim zyrtar, ku lajmëron qytetarët se duke nisur nga mesnata e sotme, dhe deri mbrëmjen e nesërme në orën 24:00, do të ndalohet parkimi i automjeteve në të dyja senset e rrugës “Taulantia”, në lagjen 1, nga hotel “Aragosta” deri te hotel “Ferrara”.

Arsyeja për ndalimin e mjetëve bëhet me qëllim sensibilizimin dhe njoftimin e qytetarëve të Durrësit, në bazë të planit të masave të DVP Durrës, për mbarëvajtjen e aktivitetit për sigurinë e personaliteteve të larta.

Njoftimi:

Policia e Durrësit me qëllim sensibilizimin dhe njoftimin e qytetarëve të Durrësit, në bazë të planit të masave të DVP Durrës, për mbarëvajtjen e aktivitetit për sigurinë e personaliteteve të larta ju njoftojm, se;

Më datë 06.06.2024, nga ora 12.00 deri në orën 24.00, nuk do të lejohet parkimi i automjeteve në të dyja senset e rrugës “Taulantia”, në lagjen nr. 1, Durrës, nga hotel “Aragosta” deri te hotel “Ferrara”. 

Policia Rrugore kërkon mirëkuptimin e bizneseve në këtë rrugë, të drejtuesve të automjeteve, për masat e  sigurisë  dhe apelon  për të shmangur qarkullimin në këtë aks rrugor në funksion të zbatimit të këtij vendimi.