Dy efektivë të lënduar nga protestuesit e Rithemelimit, tentohet të çahet kordoni i Policisë

Protestuesit e thirrur nga Rithemelimi para Parlamentit janë përplasur disa herë me policinë që ka krijuar një kordon për të mos lejuar afrimin e tyre pranë godinës ku po mbahet seanca plenare.

Dy efektivë kanë marrë lëndime gjatë përplasjes me një grup të vogël protestuesish, të cilët herë pas herë janë shtyrë me forcat e rendit duke tentuar të çajnë kordonin e policisë.

Pjesa më e madhe e njerëve që i janë përgjigjur thirrjes së Riethemelimit për protestën e sotme kanë qëndruar në distancë, duke mos u përzjerë me policinë.

Më herët protestuesit i vunë flakën gomave të vendosura në 2 lokacione të ndryshme përballë sallës së seancave plenare.