E zuri pema e ullirit poshtë/ Humb jetën 45-vjeçari shqiptar në Greqi

Një 45-vjeçar shqiptar ka humbur jetën mesditën e kësaj të shtune në Greqi pasi i ra sipër një pemë ulliri.

Ngjarja ka ndodhur në zonën e Apraos në Korfuzin e Veriut.

Shqiptari ka qenë duke prerë pemë ulliri kur trungu i madh i pemës ka rënë dhe e ka zënë poshtë, raportojnë mediat e huaja.

45-vjeçari, me origjinë nga Shqipëria jetonte në Korfuz me familjen dhe tre fëmijët e tij.

Policia tashmë po kryen hetimet paraprake për zbardhjen e rrethanave të aksidentit.