Ekspertët amerikanë: Forcat ukrainase po avancojnë në rajonin e Zaporizhias

Forcat e armatosura ukrainase kanë bërë progres në kundërsulmin e tyre në rajonin perëndimor të Zaporizhias, thuhet në një raport të Institutit Amerikan për Studimin e Luftës (ISW).

“Trupat ukrainase bënë progres të rëndësishëm taktikisht”, tha instituti me qendër në Uashington.

Fotografitë treguan se ukrainasit kishin avancuar në pjesën veriore të vendbanimit Robotyne, i cili shtrihet rreth 10 kilometra në jug të qytetit të Orichivit.

Raporti zbuloi sulme të intensifikuara ruse pranë Kupyanskut në rajonin e Kharkivit, i cili u çlirua nga ukrainasit vitin e kaluar.

Ministria britanike e Mbrojtjes nga ana e saj raportoi se Rusia po dërgonte më shumë trupa në Zaporizhia përballë presionit ukrainas.

“Rusët ka të ngjarë të kishin zhvendosur trupat ajrore nga rajoni Khersonit në zonën përreth Orikhivit”, tha ministria në përditësimin e saj.

Rivendosja dobëson Rusinë pranë bregut lindor të lumit Dnipro, ku ajo është gjithnjë e më e rrethuar nga trupat amfibe ukrainase.

/a.r