Emri/ Ndarja e parakohshme nga jeta e futbollistit 21 vjeçar, reagon presidenti Armand Duka
Lajmi i tronditës i së enjtes mbi ndarjen e parakohshme nga jeta të futbollistit të Shënkollit, Klajvert Çuni, në moshën 21-vjeçare ka shokuar të gjithë. Prej 12 ditësh në koma, pasi ishte rrëzuar nga çatia e banesës së një të afërmi të tij, Çuni nuk mundi ta fitonte “ndeshjen” më të rëndësishme, atë për jetën […]
Lajmi i tronditës i së enjtes mbi ndarjen e parakohshme nga jeta të futbollistit të Shënkollit, Klajvert Çuni, në moshën 21-vjeçare ka shokuar të gjithë.
Prej 12 ditësh në koma, pasi ishte rrëzuar nga çatia e banesës së një të afërmi të tij, Çuni nuk mundi ta fitonte “ndeshjen” më të rëndësishme, atë për jetën e tij.
Për këtë ngjarje tragjike ka reaguar edhe presidenti i Federatës Shqiptare të Futbollit, Armand Duka, i cili shkruan se këto janë ditë të zeza për futbollin.
“Lajmi për humbjen e jetës së Klajvert Çunit, të riut të rritur në akademinë e Shënkollit, më ka pikëlluar mua dhe çdo anëtar tjetër të komunitetit të futbollit. Ditë të tilla janë të zeza për këdo, jo vetëm për komunitetin tonë të futbollit.
Shpreh ngushëllimet e mia të sinqerta për familjarët, të afërmit dhe miqtë e Klajvertit! U prehtë në paqe!”
Pavarësisht gjithë përpjekjeve maksimale të mjekëve, Çuni ndërroi jetë në spitalin e Traumës, në Tiranë, duke mos u mbijetuar plagëve të marra në pjesën e kokës./m.j
What's Your Reaction?
albanianlive
AlbanianLive.com mbetet zgjedhja e parë për një lexues i cili kërkon të informohet me saktësi për një lajm. Misioni jonë kryesor është paanshëmëria dhe profesionalizmi dhe për këtë janë të punësuar gazetarët më të mirë në tregun mediatik.
