Enca Haxhiaj lihet e lirë/ Këngëtarja: Kanabisin në shtëpi e mbolla për kuriozitet dhe përdorim personal

Gjykata e Tiranës ka caktuar masën e sigurisë detyrim paraqitje për Ruenca Haxhiajn, këngëtaren që njihet me emrin e artit “Enca”.

Këngëtarja u arrestua pasi gjatë kontrollit në shtëpinë e saj në Lundër u gjetën disa vazo ku kultivohej kanabis sativa.

Mbrojtja pretendoi se qëndrimi me masë më të rëndë, nuk është i nevojshëm pasi nuk përbën rrezik për t’iu shmangur hetimit.

Avokatët e saj e konsideruan arrestimin të paligjshëm, pasi nuk ka patur urdhër arresti nga gjykata por vetëm iniciativë të OPGJ.

Vetë Enca, nuk ka folur për togat e zeza, ndërsa gjatë marrjes në pyetje, ka deklaruar se mbjellja e bimëve është bërë si përdoruese e kanabisit dhe për kuriozitet.