Escobar i ashpër: SHBA, BE, Mbretëria e Bashkuar dhe NATO kanë probleme në komunikim me Albin Kurtin
I deleguari i Shteteve të Bashkuara të Amerikës për Ballkanin Perëndimor, Gabriel Esocbar në një konferencë për media ka pranuar se SHBA-të kanë probleme në komunikim me kryeministrin e Kosovës, Albin Kurtin. “Partneriteti mes SHBA-së dhe Kosovës është mes popujve të Kosovës dhe SHBA-së. Nuk shkon prej një njeriu, ose një pale. Por, duhet të […]
I deleguari i Shteteve të Bashkuara të Amerikës për Ballkanin Perëndimor, Gabriel Esocbar në një konferencë për media ka pranuar se SHBA-të kanë probleme në komunikim me kryeministrin e Kosovës, Albin Kurtin.
“Partneriteti mes SHBA-së dhe Kosovës është mes popujve të Kosovës dhe SHBA-së. Nuk shkon prej një njeriu, ose një pale. Por, duhet të them, aktualisht ne kemi një problem me komunikimin me kryeministrin, nuk është veç SHBA-ja”.
Probleme në komunikim me Kurtin, sipas Escobar, nuk kanë vetëm Amerikanët, por edhe pjesa tjetër e botës perëndimore.
“Këtë problem Kosova e ka edhe me BE-në, me NATO-n, me Britaninë e Madhe. Edhe me partnerë të tjerë, Shqipërinë e Maqedoninë e Veriut. Kemi pasur një partneritet shumë të afërt me Kosovën në të kaluarën, ne duam ta kemi këtë lidhje edhe tani siç ishte në të kaluarën”.
“Ne inkurajojmë Kosovën të ecë para, Asociacioni nuk do të jetë një Republikë Srpska, nuk ka shtet brenda shteti, nuk ka asgjë në statut që lejon një autoritet ekzekutiv, ose fuqi ekzekutive. Kemi dëgjuar shumë arsye pse s’është dërguar në Kushtetuese, apo ecur përpara, por ne i refuzojmë të gjitha, duhet të ecë përpara sa më parë”, ka pohuar ai.
What's Your Reaction?