FNSH “kreh” Vlorën, kontrolle në lokale e lagje për armë dhe persona në kërkim

FNSh zbarkon sërish në Vlorë dhe ushtron kontrolle të shumta për armëmbajtje pa leje dhe persona të shpallur në kërkim.

FNSh është bashkë me policinë e Vlorës në këtë aksion dhe po zhvillojnë kontrolle trupore nëpër lokale të qytetit.

Siç mësohet nga Vizion Plus kryesisht po inspektohen lokale lagjesh, në brendësi të zonave të banuara.

Prej disa ditësh policia e Vlorës në fakt ka nisur kontrollet në terren në lokale në zona të ndryshme të qytetit nga hyrja e Vlorës e deri në zonën jugore të qytetit.