FOTO- Izraeli hyn në Rripin e Gazës nga toka/ Tanket gati për sulm

Izraeli ka vijuar ndërhyrjen tokësore në Rripin e Gazës.

Sipas fotove që janë publikuar në median italiane TGcom24, shihen tanket që i janë drejtuar Rripit, për të vijuar luftën e nisur kundër Hamasit.

Sipas të dhënave  nga ushtria izraelite u goditen të paktën 150 tunele nëntokësore, të cilat përdoren nga Hamasi për t’u fshehur dhe për të sulmuar. Në operacion morën pjesë të paktën 100 avionë luftarakë.

Izraeli ka shkatërruar linjat e komunikimit dhe ka lënë territorin e rrethuar të Gazës, që banohet prej 2.3 milionë palestinezësh, pa energji elektrike.

Sulmet nuk kanë kursyer as spitalet, ndërsa OBSH ka ngritur alarmin, pasi nuk ka mundur të kontaktoj me stafin e saj në Gaza.