FOTO/ “Nuk po lidheshin dot me të”, familjarët kërkuan ndihmën e policisë, ky është nënkomisari që i dha fund jetës në Durrës
Personi që shihni në foto është nënkomisari Arben Pjeçi i cili i dha fund jetës ditën e sotme me armën e shërbimit brenda
Personi që shihni në foto është nënkomisari Arben Pjeçi i cili i dha fund jetës ditën e sotme me armën e shërbimit brenda komisariatit të Durrësit.
Dyshohet se Peçi ka qenë mjaft i rënduar psikologjikisht ditët e fundit për shkak të dënimit të dhënë nga gjykata me punë në komunitet për plagosje të lehtë.
Policia e Durrësit njoftoi se pas vendimit të gjykatës pritej edhe pushimi i tij nga [puna.
Ndërkohë që kanë qenë familjarët të cilët kanë njoftuar policinë, pasi nuk po lidheshin dot me nënkomisarin.
Efektivët e policisë kanë hapur me forcë zyrën e nënkomisarit ku e kanë gjetur atë të vdekur.
Njoftimi i policisë:
Sot, më datë 25.01.2024, nga ana e familjarëve të oficerit të Policisë Arben Pjeçi, është njoftuar Komisariati i Policisë Durrës, për humbjen e kontakteve me familjarin e tyre, i cili aktualisht është në detyrë specialist i Policisë Kriminale në këtë komisariat.
Nga Komisariati i Policisë Durrës filluan veprimet për kërkimin dhe gjetjen e specialistit.
Për njoftimin e bërë nga familjarët është marrë kallëzim, është njoftuar prokurori i gatshëm, janë kryer një sërë veprimesh procedurale, si dhe janë vënë në kontroll numrat telefonikë, me qëllim lokalizimin e vendndodhjes së këtij shtetasi.
Në kuadër të të gjitha veprimeve operacionale dhe procedurale për kërkimin e tij, rreth orës 16:15, në ambientet e Komisariatit të Policisë Durrës është hapur me forcë zyra e oficerit Policisë Gjyqësore, Arben Pjeçi, i cili është gjetur i vetëvrarë, me armën e shërbimit.
Punonjësi i Policisë Arben Pjeçi është dënuar me vendim të formës së prerë nga Gjykata e Shkallës së Parë e Juridiksionit të Përgjithshëm Durrës, për kundravajtjen penale “Plagosje e lehtë”, në bazë të nenit 89 të Kodit Penal.
Vendimi i Gjykatës i formës së prerë ka filluar të ekzekutohet nga strukturat përgjegjëse të Shërbimit të Provës dhe Policisë së Shtetit.
Punonjësi i Policisë, në kushtet e depresionit për penalitetet që sjell vendimi i dënimit të formës së prerë që e kushtëzonte në të ardhmen me ndërprerjen e marrëdhënies së punës me Policinë e Shtetit, është vetëvrarë me armën e shërbimit në ambientet e zyrës së punës, në Komisariatin e Policisë Durrës.
Për këtë ngjarje është krijuar një grup i posaçëm hetimor, në drejtimin e Prokurorisë së Durrësit dhe oficerëve të Policisë Gjyqësore të Prokurorisë.
Për këtë ngjarje është njoftuar dhe Agjencia e Mbikëqyrjes Policore.
Në lidhje me rrethanat dhe për sqarimin përfundimtar të motivit, do të kemi njoftim shterrues në përfundim të veprimeve hetimore paraprake.
/Vizionplus.tv/
What's Your Reaction?