FOTOT/ Dua Lipa pushton kopertinën e revistës prestigjoze

Dua Lipa është përzgjedhur si “simbol” i revistës së famshme franceze për gratë “Elle” duke qenë pjesë e kopertinës së saj.

Versioni i përmuajshëm për shpërndarje në gjithë botën, për muajin Maj ka një intervistë të gjatë të saj, ky ylli i muzikës Pop me origjinë shqiptare flet gjerësisht për jetën dhe sfidat e saj.

Vëmendje të madhe ka tërhequr ajo pjesë ku flet për Kosovën, vendin nga e ka origjinën familja e saj. Thotë se ndjehet shumë afër me këtë vend. Ka dëgjuar nga njerëzit e saj të afërt dhe miqtë për krimet e kohës së luftës, rrëfime të cilat i kanë hapur një horizont të ri në jetën e saj dhe e kanë bërë të ndjeshme edhe ndaj konflikteve aktuale nëpër botë, që u shkaktojnë vuajtje njerëzve. Dua Lipa është një mbështetëse e flaktë edhe e armëpushimit të menjëhershëm në Gaza.