Futbolli shkodran në zi, ndërron jetë ish futbollisti i Vllaznisë

Nuh Isufi, ish- lojtari i klubit të Vllaznisë është ndarë nga jetë në moshën 77-vjeçare. Në muajt e fundit, shëndeti i të ndjerit ka qenë i rënduar pasi kishte një sëmundje të cilën nuk arriti ta mposhtë.

Ai ka qenë pjesë e Vllaznisë në vitet 1960/70 ndërsa për një periudhë katërvjeçare është aktivizuar edhe me Naftëtarin, për t’u rikthyer sërish në Shkodër.  Klubi i shpreh ngushëllimet familjes së Isufit përmes një postimi në rrjetet sociale.

Është ndarë nga jeta në moshën 77 vjeçare ish- futbollisti i Vllaznisê së viteve ‘60-‘70 Nuh Isufi.

KF Vllaznia i shpreh ngushëllimet më tê sinqerta familjes për humbjen e njeriut të saj të dashur. I përjetshëm qoftë kujtimi i tij!