Garë e ashpër për Stambollin! Zgjedhje lokale në Turqi, Erdogan synon të marrë bashkinë më kryesore në vend

Turqia po mban sot zgjedhjet lokale në të gjithë vendin në fokus të të cilave është bashkia e Stambollit.

Partia e Presidentit Rexhep Tajip Erdogan po përpiqet të rimarrë pas katër vitesh pushtetin në Stamboll ndaj kundershtarit Ekrem Imamoglu, i cili synon të rivendosë opozitën si një forcë politike, pas humbjes së thellë në zgjedhjet e përgjithshme të vitit të kaluar.

Mëgjithëse nuk është kryeqytet, Stambolli është çelësi i triumfit në zgjedhje për shkak të rëndësisë ekonomike, sociale dhe historike.

Sondazhet përpara votimeve treguan një garë të ngushtë mes dy rivalëve kryesorrë.

Kandidati i Erdogan, Murat Kurum ka premtuar  ndërtimin e gjysmë milioni banesave si mbrujoë ndaj kërcënimit të tërmeteve.

Ndërsa kundërshtari i tij, kryetari aktual ka përdorur çështjet ekonomike dhe inflacionin e lartë për të bindur qytetarët të votojnë emrin e tij.

61 milionë qytetarë me të drejtë vote i janë drejtuar qendrave të votimit në orën 7 të mëngjesit dhe do të kenë mundësinë të shprehin vullnetin e tyre deri në 17:00 sipas orës lokale.

Rezultatet e para priten të dalin rreth orës 10 të mbrëmjes.