GJKKO refuzon kërkesën e Ahmetajt për zhbllokimin e llogarisë bankare të sekuestruar

Gjykata e Posaçme ka rrëzuar kërkesën e ish-zv/kryeministrit, Arben Ahmetaj, për të liruar një nga llogaritë bankare të vëna nën sekuestro. Organet e drejtësisë kanë vënë nën sekuestro 6 pasuri të Ahmetajt, për shkak të akuzave për korrupsion dhe pastrim parash që rëndojnë mbi të.

Ahmetajt, gjykata i ka vendosur masën e sigurisë “arrest me burg në mungesë”. Ai rezulton i shpallur në kërkim ndërkombëtar, ndërsa ka refuzuar të përballet me drejtësinë, duke mohuar në mënyrë kategorike akuzat përmes përfaqësuesve të tij ligjor.