Gjykata Penale Ndërkombëtare kërkon arrestimin e Netanyahut dhe të liderit të Hamasit, Sinwar

Gjykata Penale Ndërkombëtare kërkon urdhra-arresti për Kryeministrin e Izraelit Benjamin Netanyahu dhe liderin e Hamasit Yahya Sinwar.

Arrestimi i tyre kërkohet për akuzën e krimeve të luftës dhe krime kundër njerëzimit lidhur me sulmet e 7 Tetorit 2023 në Izrael dhe luftën që pasoi me agresionin ushtarak të Izraelit.

Lajmi është bërë i ditur ekskluzivisht nga CNN.

Urdhër-arresti është kërkuar gjithashtu për ministrin izraelit të Mbrojtjes dhe dy liderë të tjerë të lartë të Hamasit, Mohammed Diab Ibrahim al-Masri dhe Ismail Haniyeh.

Kërkesat për urdhër-arreste janë bërë nga kryeprokurori i gjykatës, Karim Khan. Kërkesa do të duhet të shqyrtohet nga një panel gjyqtarësh të cilët do të marrin dhe vendim.

Kjo është hera e parë që vihen në shënjestër politikanë izraelitë, një vend aleat i ngushtë i SHBA-së.

/a.r