Grupi i armatosur hyn në televizion, policia liron pengjet dhe arreston rrëmbyesit në Ekuador
Një grup personash të armatosur dhe të maskuar hynë në studion e televizionit të Guajakilit në Ekuador. Ata ndërprenë emisionin live pas 15
Një grup personash të armatosur dhe të maskuar hynë në studion e televizionit të Guajakilit në Ekuador.
Ata ndërprenë emisionin live pas 15 minutash, ndërsa kërcënuan stafin duke i shtrirë te gjithë punonjësit në tokë.
Policia u fut në godinë rreth 30 minuta pasi grupi i armatosur u shfaq në televizion. Ndërsa më pas policia bëri të ditur se mundi të lironte të gjithë stafin duke arrestuar 13 persona
Sipas mediave, stacioni televiziv raportoi se 2 prej punonjësve mbetën të plagosur. Po ashtu disa oficerë policie u morën peng dhe u raportua për disa shpërthime në pjesë të ndryshme të vendit.
Presidenti Noboa, i cili e mori pushtetin në nëntor u zotua se do ta ndalte dhunën e shkaktuar nga tregtia e drogës.
Ai shpalli gjendje të jashtëzakonshme 60-ditore të hënën, si përgjigje ndaj dhunës në burgje, ku rojet u morën peng nga të burgosurit dhe pas ikjes së papritur nga burgu të liderit të grupit, Los Choneros.
Të paktën 10 persona u vranë pas shpalljes së gjendjes së jashtëzakonshme në Ekuador.
What's Your Reaction?