Helmimi i 50 turistëve/ Shkak ushqimi i paketuar nga hotelet, shumica fëmijë

Ushqimi i paketuar nga hoteli ku ishin akomoduar mësohet të jetë shkaku i helmimit të turistëve. Të paktën 50 turistë që udhëtonin nga Shëngjini drejt Vlorës janë helmuar dhe paraqiten në gjendje të rëndë në urgjencën e spitalit të qytetit bregdetar.

Mësohet se turistët kryesisht janë polakë, që kishin zgjedhur të kalonin pushimet në Shqipëri. Pjesa më e madhe e të helmuarve raportohet të jenë fëmijë, nga mosha 10-14 vjeç. Ata mbërritën në Vlorë nga një prej anijeve turistike që kryen linjën e Karaburun -Sazan. Ndërkohë nuk ka ende një reagim zyrtar mbi këtë ngjarje.