I dënuar me 32 vite burg për vrasje në Angli, shqiptari sfidon rregullat, del live në Tik Tok me Kozakun për të mbledhur para
Shqiptarët që ndodhen në burgjet angleze vijojnë të thyejnë rregulloren, duke mbajtur telefon në qeli por edhe duke komunikuar me botën e jashtme.
![I dënuar me 32 vite burg për vrasje në Angli, shqiptari sfidon rregullat, del live në Tik Tok me Kozakun për të mbledhur para](https://www.vizionplus.tv/wp-content/uploads/2024/06/568d685c-2522-4a92-8f0f-1e666b21cfc4.jpg)
![](https://www.vizionplus.tv/wp-content/uploads/2024/06/568d685c-2522-4a92-8f0f-1e666b21cfc4-718x400.jpg)
Shqiptarët që ndodhen në burgjet angleze vijojnë të thyejnë rregulloren, duke mbajtur telefon në qeli por edhe duke komunikuar me botën e jashtme.
I tillë është rasti i Eugert Merizajt, i cili është dënuar me 32 vite burgim në Angli për vrasje.
Prestigjozja brutanike “The Sun” teksa i ka kushtuar një artikull 33-vjeçarit shqiptar, shkruan se ai del live në aplikacionin Tik Tok, ku kërkon para për të dalë nga qelia.
“The Sun” shkruan se Merizaj ka shpenzuar rreth 50 mijë paund për avokatë, teksa media e njohur britanike përmend dhe veshjet e shtrenjta që ai vesh në burg.
“The Sun on Sunday” ka zbuluar së fundmi një video nga “TikTok” ku Merizaj flet live me Kozak Bracin, i njohur ndyrshe dhe si “Mbreti i Instagram-it”. Në video, Braci i thotë Merizajt: “Do të kesh 2000 € nga unë, 2000 € nga Fabio (Dushku)… si mbështetje për të dalë nga burgu”.
Merizaj, i cili gjithashtu bisedon me gra në internet, ishte pjesë e një bande që vrau tregtarin e kanabisit Hemawand Ali Hussein në Hartlepool në vitin 2019 dhe u burgos pasi u ekstradua nga Belgjika.
Në artikull raportohet se tashmë autoritetet kanë nisur hetimet për videot, teksa përdorimi i celularëve në këto ambiente nuk lejohet./vizionplus.tv
What's Your Reaction?
![like](https://www.albanianlive.com/assets/img/reactions/like.png)
![dislike](https://www.albanianlive.com/assets/img/reactions/dislike.png)
![love](https://www.albanianlive.com/assets/img/reactions/love.png)
![funny](https://www.albanianlive.com/assets/img/reactions/funny.png)
![angry](https://www.albanianlive.com/assets/img/reactions/angry.png)
![sad](https://www.albanianlive.com/assets/img/reactions/sad.png)
![wow](https://www.albanianlive.com/assets/img/reactions/wow.png)