I ftohti vdekjeprurës godet SHBA-të, 50 persona humbin jetën

SHBA po përballet prej disa ditësh me të ftohtë ekstrem, ku temperaturat kanë arritur në -30 gradë celcius.

Mediat raportojnë për 50 persona të vdekur në 10 shtete.

Stuhitë e forta të borës shkulën pemët dhe shtyllat e energjisë elektrike, duke shkaktuar vdekjen tragjike të kalimtarëve. Dhjetëra persona kanë humbur jetën në të gjithë vendin nga vala e të ftohtit.

Bora e madhe dhe ngrica po godasin edhe Uashingtonin.

Kushtet e rënda të motit do të vazhdojnë edhe gjatë fundjavës, ndërsa autoritetet paralajmërojnë temperatura veçanërisht të ulëta edhe në jug të SHBA.