Infermierja që vrau 7 të porsalindur dënohet me burgim të përjetshëm/ Gjykatësi: Një horr në kufi me sadizmin

Në Mbretërinë e Bashkuar, infermierja Lucy Letby u dënua me burgim të përjetshëm , pa mundësinë e lirimit me kusht, për vrasjen e shtatë foshnjave të porsalindura dhe përpjekjen për

Gusht 22, 2023 - 22:17
 0
Infermierja që vrau 7 të porsalindur dënohet me burgim të përjetshëm/ Gjykatësi: Një horr në kufi me sadizmin

Në Mbretërinë e Bashkuar, infermierja Lucy Letby u dënua me burgim të përjetshëm , pa mundësinë e lirimit me kusht, për vrasjen e shtatë foshnjave të porsalindura dhe përpjekjen për të vrarë gjashtë të tjerë .

Vendimi eshte dhene nga Gjykata e Kurorës së Mançesterit. Faktet datojnë në periudhën 2015-2016 kur gruaja punonte në maternitetin e spitalit Kontesha e Chester në Anglinë perëndimore.

Në leximin e vendimit në televizion drejtpërdrejt, gjyqtari James Goss foli për “paramendim, llogaritje dhe keqdashje” në veprimet e Letby, të cilat kishin një “ndikim të jashtëzakonshëm” në shumë familje.

 

“Një horr në kufi me sadizmin” – 33-vjeçarja e dënuar nuk ishte e pranishme në leximin e dënimit, duke qenë se kishte zgjedhur të qëndronte në qeli dhe të mos dilte në sallën e gjyqit, duke shkaktuar polemika të forta. Dënimi i përjetshëm që gjyqtari Goss ka vendosur është dënimi maksimal që drejtësia britanike rrallë i drejtohet.

 

Por vetë gjyqtari Goss foli për “të keqen e thellë në kufi me sadizmin” nga ana e Lucy Letby, e cila ka vazhduar gjithmonë të mohojë “ftohtësisht” krimet që ajo ka kryer. “Të marra së bashku, këto krime të vrasjes dhe tentativës për vrasje janë të një ashpërsie jashtëzakonisht të lartë dhe dënimi i drejtë sipas ligjit është burgimi i përjetshëm”, shtoi Goss. /Tgcom

What's Your Reaction?

like

dislike

love

funny

angry

sad

wow

albanianlive AlbanianLive.com mbetet zgjedhja e parë për një lexues i cili kërkon të informohet me saktësi për një lajm. Misioni jonë kryesor është paanshëmëria dhe profesionalizmi dhe për këtë janë të punësuar gazetarët më të mirë në tregun mediatik.