Irani jashtë Botërorit U23 të mundjes në Tiranë, shkak refuzimi i vizave
Botërori i mundjes për 23-vjeçarë, eventi madhor që do të zhvillohet për herë të parë në Shqipëri, humbet një skuadër ende pa nisur. Përfaqësuesja e mundjes së Iranit nuk do të jetë e pranishme në eventin që zhvillohet nga 23 deri më 29 tetor, në Tiranë. Arsyeja lidhet me refuzimin e vizave nga shteti shqiptar. […]
Botërori i mundjes për 23-vjeçarë, eventi madhor që do të zhvillohet për herë të parë në Shqipëri, humbet një skuadër ende pa nisur. Përfaqësuesja e mundjes së Iranit nuk do të jetë e pranishme në eventin që zhvillohet nga 23 deri më 29 tetor, në Tiranë.
Arsyeja lidhet me refuzimin e vizave nga shteti shqiptar. Vendimi ka të bëjë me ngjarjet e vitit të kaluar, ku pas sulmit kibernetik ndaj infrastrukturës digjitale të Qeverisë së Republikës së Shqipërisë, vendi ynë ndërpreu marrëdhëniet diplomatike me Republikën Islamike të Iranit.
Irani do të paraqitej në Tiranë me 20 mundës, ku gjysma do të garonin në stilin e lirë dhe gjysma në stilin greko-romak. Të paktën 5 sportistë kishin pretendime për zonën e medaljeve, pasi renditen mes 20 vendeve të para në botë.
Botërori i 23-vjeçarëve u spostua të zhvillohej nga Tampere në Finlandë në Tiranë, pikërisht për të mundësuar pjesëmarrjen e mundësve nga Rusia dhe Bjellorusia, që nuk lejohen të garojnë në shumë shtete prej luftës në Ukrainë.
/f.s
What's Your Reaction?
