Ish – futbollisti Serxho Kontreras i njohur si Koke arrestohet për drogë

Ish-futbollisti Serxho Kontreras, i njohur ndryshe edhe si Koke është dënuar me 6 vite burg për shkak të lidhjes së tij me trafikantët e drogës.

Megjithatë, ish-sulmuesi që ka luajtur me Malagan dhe Rajo Vajekanon, është i bindur se është dënuar padrejtësisht dhe se nuk ka kryer asnjë krim.

Në një intervistë të dhënë për “Canal Plus France”, Koke shprehet se ka shumë kontakte me persona që merren me drogë, por vetë ai nuk ka lidhje me to.

Gjithashtu, Koke shton se edhe mund ta vrasin në burg pavarësisht se vetë ai nuk i trembet diçkaje të tillë.

“Jeta është paksa e ndërlikuar.

Duhet të paguash për budallallëqe. Ne duhet t’i japim fund kësaj sa më shpejt të jetë e mundur. Vij nga një lagje në Malaga ku të gjithë miqtë e mi janë miq fëmijërie… Kam kontakte kudo, por nuk jam Pablo Escobar! Kur dëgjon atë “trafikantin ndërkombëtar” thua “Çfarë dreqin kam bërë?”.

Si futbollist je me fat që fiton shumë para. Kam fituar ndoshta një milion euro në vit. Në biznesin tjetër, ju fitoni në dy muaj atë që mund të fitoni në një vit në futboll. Por, aty rrezikon jetën.

Në burg, mund të të vrasin shumë shpejt por nuk kam frikë.

Burgu është i hapur për budallenjtë. Do të kthehem në burg, por nuk e di për sa kohë, pasi kam një dënim deri në vitin 2027”, shprehet Koke.