Ish-presidenti rus nuk përmbahet: E veja e Navalnit është e lumtur që ai vdiq, kishte gjithë këto vite që e priste

“Shikoni fytyrën e qeshur dhe të lumtur të vejushës së Navalny. Është ndjesia se ajo e priste këtë ngjarje gjatë gjithë këtyre viteve për të nisur në mënyrë madhështore jetën e saj politike. Dhe ajo e tha atë. E gjithë kjo është shumë e trishtueshme”.

Kështu deklaroi ish-presidenti rus, Dmitry Medvedev, në një intervistë për mediat e Moskës. Zëdhënësja e ekipit të Navalny, Kira Yarmysh, postoi videon e kësaj deklarate në X, duke e shoqëruar me një përgjigje për Medvedev.

“Ne do të regjistrojmë çdo fjalë, nuk do të harrojmë asnjë prej tyre dhe pastaj do ta bëjmë atë të përgjigjet për secilën”, shkroi ajo.