Krahu i djathtë i kriminelit Milan Radojiçiç dyshohet mes të vrarëve në veri të Kosovës

Një prej terroristëve serbë të vrarë ditën e djeshme gjatë shkëmbimit të zjarrit me policinë e Kosovës, besohet të jetë Stefan Nedeljkoviç.

Ai është një ekstremist, i njohur si krahu i djathtë i Milan Radojiçiç, nënkryetari i partisë Lista Sërpska, partia më e madhe e serbëve të Kosovës.

Ky i fundit është shpallur në kërkim nga drejtësia e Kosovës si i dyshuar për vrasjen e politikanit serb në Kosovë, Oliver Ivanoviç.

Bilanci i deritanishëm nga përballja me grupin terrorist prej rreth 30 personash është 4 të vrarë dhe 7 të arrestuar.