Kreu i opozitës greke nis shërbimin ushtarak: Krenar që i shërbej vendit tim!

Kreu i Partisë më të madhe opozitare greke, Stefanos Kasselakis, do të kryej shërbimin ushtarak për disa javë.

Këtë pasdite, Kasselakis hyn në kampin e Tebës në orën 16:00, për të kryer shërbimin ushtarak për rreth dy javë, pasi pritet të lirohet nga 30 marsi deri më 5 prill.

Presidenti i SYRIZA-s, ka mbërritur në kampin ushtarak në Tebë pak para orës 14:00 pasdite, por ka bërë disa ndalesa derisa është paraqitur në kamp, ​​duke blerë gjërat e nevojshme, ndërsa ka biseduar edhe me qytetarët.

Më pas, ai ka përshëndetur babain e tij si dhe miqtë dhe bashkëpunëtorët e SYRIZA-s që ndodheshin jashtë kampit. Pak më vonë, duke pasur me vete një çantë dore dhe një valixhe, ai dorëzoi dokumentet e nevojshme në portën e kampit dhe hyri.

Para se të përfundonin dy orë në kampin e Tebës, zoti Kasselakis ka postuar në Instagram.

Duke publikuar foto nga hyrja e tij në kamp, ​​por edhe nga vizita e tij e shkurtër në qytetin e Tebës, Kasselakis e cilësoi ditën e sotme si “një ditë të rëndësishme për çdo grek”.

“Krenar që i shërbejmë vendit tonë – qoftë edhe për disa javë. Por kam vendosur t’i shërbej për gjithë jetën”, përfundon postimi.