Kurti dhe Vuçiç takime në Bruksel/ Bisedime me udhëheqësit europianë për dialogun

Kryeministri i Kosovës Albin Kurti ka nisur diskutimet me udhëheqësit europianë në Bruksel. Takim të tilla pritet të zhvillojë edhe president i Serbisë Aleksandër Vuçiç.

Siç është bërë e ditur takimet vijnë në vazhdimësi të përpjekjeve për rikthimin në dialog të Kosovës dhe Serbisë.

Kurti dhe Vuçiç po priten veçmasi nga kancelari gjerman Olaf Scholz, presidenti francez Emmanuel Macron, dhe kryeministrja italiane Giorgia Meloni.

Të pranishëm do të jenë edhe shefi i politikës së jashtme të BE-së, Josep Borrell, si dhe presidenti i këshillit evropian, Charles Michel.

Zëdhënësi i BE, Peter Stano, ka thënë se pritet që të dyja palët t’iu rikthehen detyrimeve që dalin nga procesi i dialogut menjëherë dhe pa pengesa.