Ky është futbollisti francez që akuzohet për përdhunim

Futbollisti francez Wissam Ben Yedder është akuzuar për përdhunim, tentativë përdhunimi dhe sulm seksual, thonë prokurorët në jug të Francës.

Prokuroria e Nices konfirmoi të premten se kishte hapur një çështje kundër sulmuesit, i cili luan për AS Monaco dhe kombëtare franceze.

Sipas mediave lokale, incidenti i dyshuar ka ndodhur në korrik në Beausoleil, në rajonin Côte d’Azur. Për të është kërkuar një garanci prej 900.000 €, raporton AFP.

Në pritje të gjykimit, ai është vënë nën mbikëqyrje gjyqësore, ku i ngarkohen disa detyrime nga gjykata.