Laçi për rekord, 3 trajner në 6 javë. Kurbinasit rikthejnë në stol Mirel Josën

2 trajner për 7 pikë, Laçi i këtij sezoni është për rekord pasi drejtuesit e klubit vendosën të ndryshojnë edhe një herë kurs duke i besuar stolin një eksperti si Mirel Josa. Për herë të tretë këtë sezon, në vetëm 6 javë, drejtuesit e klubit kurbinas ndryshojnë sërish timonier. Skerdi Bejzade nuk është më trajneri i bardhezinjtë teksa palët gjetën konsensusin për të ndërprerë bashkëpunimin ndërmjet tyre.

Mirel Josa është zyrtarisht trajneri i ri i Laçit me teknikun kryeqytetas që pranoi mbrëmjen e së premtes ofertën e Pashk Laskës për të marrë edhe një herë drejtimin e ekipit. Josa dhe Laçi nuk humbasin kohë teksa ka nisur punën që këtë të shtunë.