Lufta në Gaza, 63 gazetarë të vdekur mes 16 mijë personave të vrarë

Komiteti për Mbrojtjen e Gazetarëve publikoi përditësimin e fundit të numrit të të vdekurve të hënën.

Grupi thotë se ky është viti më vdekjeprurës për gazetarët që nga viti 1992, raporton BBC.

Deri në 4 dhjetor:

63 gazetarë dhe punonjës të medias u konfirmuan të vdekur: 56 palestinezë, 4 izraelitë dhe 3 libanezë

11 gazetarë u raportuan të plagosur

3 gazetarë u raportuan të zhdukur

19 gazetarë u raportuan të arrestuar

Sulme të shumta, kërcënime, sulme kibernetike, censurë dhe vrasje të anëtarëve të familjes

Këto vrasje janë mes 16,000 të vrarëve që nga fillimi i luftës më 7 tetor, me më shumë se 15,800 të vdekur palestinez në Gaza dhe Bregun Perëndimor, dhe 1200 vdekje në Izrael.

Dita më vdekjeprurëse e luftës për gazetarët ishte dita e parë, 7 tetori, me gjashtë gazetarë të vrarë; dita e dytë më vdekjeprurëse ishte 18 nëntori, kur u vranë pesë.

Ushtria izraelite u ka thënë agjencive të lajmeve AFP dhe Reuters se nuk mund të garantojë sigurinë e gazetarëve të tyre pasi agjencitë kishin kërkuar garanci se punëtorët e tyre nuk do të ishin në shënjestër të sulmeve izraelite.