Makina përplas motorin në aksin Divjakë-Lushnjë, humb jetën 44-vjeçari

Një aksident i rëndë ka ndodhur mëngjesin e sotëm, me pasojë një viktimë.

Rreth orës 05:15 në aksin rrugor “Divjakë-Lushnjë”, automjeti tip “Benz” me drejtues shtetasin Q. O., 22 vjeç, është përplasur me një motomjet që drejtohej nga shtetasi G. A., rreth 44 vjeç.

Si pasojë e përplasjes ka humbur jetën drejtuesi i motomjetit shtetasi G. A., ndërsa drejtuesi i automjetit tip “Benz”, është transportuar në spital për ndihmë mjeksore

Grupi hetimor po punon për sqarimin e plotë të rrethanave dhe shkakut të aksidentit. /vizionplus.tv