Masakra e Lushnjës/ Shtyhet gjyqi ndaj Laert Haxhiut, dëshmitari i SPAK refuzon të marrë thirrjen e GJKKO

Shtyhet seanca për Laert Haxhiun në Gjykatën e Posaçme. Shkak është bërë mungesa e dëshmitarit të fundit të akuzës Arsen Xhuti. Sipas gjykatës vetë i arrestuari që ndodhet me Greqi ka refuzuar të marrë njoftimin për seancën nga oficeri i kontaktit.

Në këto kushte gjykata me kërkesë të prokurores Dolorez Musabelli vendosi ta vazhdojë gjykimin në mungesë të tij. Ky vendim ka shkaktuar debat në seancë me avokatin Detar Hysi i cili ka pretenduar se nuk mund të vazhdoje mbrojtjen pa miratimin e klientit pasi ishte zgjedhur vetem nga babai i tij.

Gjykata ka vendosur që mbrojtja të vazhdoje nga ky avokat i cili ka tagrat edhe si avokat kryesisht. Seanca e radhës është caktuar të mbahet në 19 tetor ora 14:00 ku do të njoftohet edhe njëherë dëshmitari i akuzës.

/f.s

The post Masakra e Lushnjës/ Shtyhet gjyqi ndaj Laert Haxhiut, dëshmitari i SPAK refuzon të marrë thirrjen e GJKKO first appeared on JavaNews.al.