Merr fund dilema, a e kaloi topi vijën fatale në ndeshjen Real Madrid-Barcelona

Në rrjetet sociale është publikuar një analizë e teknologjisë së golit për golin e Barcelonës në El Clasico kundër Real Madridit.

Me rezultatin 1-1, Lamine Yamal gjuajti pas një goditje nga këndi, dhe Andrij Lunjin e priti goditjen e tij dhe shpëtoi mbretërit.

Gjyqtari kryesor i ndeshjes, Cesar Soto Grado, në bashkëpunim me teknologjinë VAR, vendosi të mos e pranojë golin e yllit të ri të Barcelonës.

Megjithatë, në videon e fundit të publikuar nga një analizë e teknologjisë shihet se padyshim që ai duhej të ishte pranuar.