Ministri i Jashtëm iranian: Sulmet izraelite pa viktima apo dëme
Ministri i Jashtëm i Iranit, Hossein Amir Abdollahian, tha sot se dronët e dyshuar të lëshuar nga Izraeli kundër qytetit iranian të Isfahanit
Ministri i Jashtëm i Iranit, Hossein Amir Abdollahian, tha sot se dronët e dyshuar të lëshuar nga Izraeli kundër qytetit iranian të Isfahanit nuk kanë shkaktuar dëme apo viktima.
Shefi i diplomacisë iraniane i bëri këto deklarata duke folur me të dërguarit e kombeve myslimane në Nju Jork.
“Mbështetësit mediatikë të regjimit sionist, në një përpjekje të dëshpëruar, u përpoqën ta paraqesin humbjen e tyre si fitore, ndërsa mini-dronet e rrëzuara nuk shkaktuan dëme apo viktima”, tha Abdollahian, sipas mediave iraniane.
Teherani ka theksuar se nuk ka plane të hakmerret kundër Izraelit.
Izraeli nuk ka bërë asnjë koment publik mbi sulmin e hershëm të së premtes brenda Iranit./vizionplus.tv
What's Your Reaction?