Ministri i ri i Mbrojtjes në Rusi flet për “metoda të reja lufte” për të mposhtur Ukrainën

“Detyra kryesore e Rusisë është të fitojë në fushën e betejës në Ukrainë me humbje minimale të trupave ushtarakë,” tha sot (14/5) ministri i ri i Mbrojtjes në Rusi, Andrei Belusov.

Rusia duhet të përdorë të gjitha mjetet e avancuara dhe efektive në arsenalin e saj për të siguruar një fitore të tillë, tha ai, duke shtuar se kjo duhet të sigurohet duke përdorur në mënyrë më efektive shpenzimet e mbrojtjes.

Belausov, ekonomisti të cilin Putini e emëroi papritur të dielën për të zëvendësuar Sergei Shoigu, tha se sektori ushtarak kërkon më shumë efikasitet dhe risi.

“Armiku mëson shpejt. Situata lidhet me përdorimin e teknologjive të reja që ndryshojnë fjalë për fjalë çdo javë. Dhe këtu nuk duhet vetëm të mësojmë, por duhet ta parandalojmë armikun”, tha Belusov.

Ai shtoi gjithashtu se Rusia duhet të përpunojë “metoda të reja për të bërë luftë”. Putini ka ngarkuar Belousov, i cili nuk ka përvojë ushtarake, të maksimizojë prodhimin e ekonomisë ruse të luftës, ndërsa ushtria e saj përpiqet të shtyjë më thellë në Ukrainë në vitin e tretë të konfliktit.

Belousov u emërua në këtë post mes një skandali të madh ryshfeti në ministrinë e mbrojtjes që u zgjerua sot me arrestimin e një zyrtari tjetër të lartë.

Rinovimi i pajisjeve

Belousov tha se është e domosdoshme që ushtarët rusë të kenë pajisjet më moderne, duke përfshirë mjete ajrore pa pilot dhe pajisje komunikimi, si dhe municione të mjaftueshme.

Por nuk ka nevojë për një tjetër mobilizim masiv”, përfundoi ai. Plani i ri është në kontrast me taktikat e mëparshme: Presidenti Putin në fund të vitit 2022 urdhëroi rekrutimin e 300,000 rezervistëve, në një lëvizje jopopullore që bëri që mijëra rusë të largoheshin nga vendi për të shmangur rekrutimin./vizionplus.tv/